O presidente a Associaçom Galega da Língua (AGAL), Miguel Penas, e o seu homólogo da Junta da Galiza, Alberto Núñez Feijóo, tivérom umha reuniom institucional nas dependências do Paço de Rajói, em Compostela. No encontro, o chefe do Executivo galego apresentou o conteúdo do memorando assinado com Portugal para o estudo da língua portuguesa no sistema educacional autonómico.
O presidente da associaçom reintegracionista salientou, no final da reuniom, que nom pode ser divulgada ainda a literalidade do texto, «por lealdade institucional». Tenha-se em conta que o memorando implica duas instituições do mais alto nível, com compromissos orçamentários que nom podem ser desvelados «sem umha mínima precauçom».
Penas assegurou, no entanto, que os passos dados pola Administraçom estám a ser «lentos, mas firmes» e que o grau de implicaçom da Real Academia Galega (RAG) e do Instituto da Língua Galega (ILG), no sentido de promover o ensino do português, «está a ser muito intenso na atualidade».
Reuniom «cordial»
Em relaçom à reuniom, Penas assegurou que foi «muito cordial» e que Feijóo, sem compartilhar todas as propostas que a AGAL fai neste momento à sociedade, «compreende as motivações das mesmas» e mesmo «pensa que poderám ser aplicadas no futuro». No remate da juntança, o presidente da entidade reintegracionista presenteou o chefe do Executivo galego com um exemplar das Conversas com Isaac Alonso Estraviz, natural, como Feijóo, de uma localidade rural da província de Ourense.
NOTA:
Esta notícia nom é verídica; foi o nosso contributo para ediçom 2015 do Dia dos Enganos: «O primeiro de Abril vam os burros onde nom têm que ir».
Colocamos a seguir as notícias publicadas nas edições anteriores:
- Adriana Calcanhotto e Rui Zink, protagonistas do filme ‘O Crânio de Castelao’, informa revista brasileira [2014]
- Convocada assembleia extraordinária da AGAL para conversom em partido [2013]
- AGAL desativará dicionário e-Estraviz [2012]
- Assinado protocolo pela receção das televisões portuguesas na Galiza… e as espanholas em Portugal [2011]
- A Junta poderia anunciar em breve a suspensom do Decretaço [2012]
- Feijóo criará a Direcçom Geral de Igualdade Cidadá, com Pousada como assessor [2009]
- RAG estuda possibilidade de se incorporar ao acordo lusófono após revolta no IKEA [2008]
- Possível fusom do PGL e o portal da Mesa [2007]
- PGL na corda bamba [2006]
- Junta da Galiza aposta polo bi-normativismo para o galego [2005]
- Isaac Alonso Estraviz entrará na RAG fruto de um acordo entre a AGAL e a Real Academia Galega [2004]
- Umha proposta alternativa ao Reintegracionismo? [2003]
O post (1.º de Abril) Feijóo revela à AGAL o conteúdo do memorando para o estudo do português na Galiza aparece primeiro no Portal Galego da Língua – PGL.gal.