No que vai de ano, a Associaçom Galega da Língua (AGAL) realizou doações por valor superior aos 1.200 € que se destinárom a diferentes projetos sociais. Para este cometido, a entidade reintegracionista encontrou a colaboraçom de vários dos autores que publicárom trabalhos com o selo editorial da AGAL, a Através Editora, mas nom só.
Conforme noticiado no PGL no mês de dezembro, entre os objetivos estratégicos da AGAL está a colaboraçom com a rede de escolas Semente, com as quais incrementou a colaboraçom nos últimos tempos. Entre as iniciativas adotadas a este respeito destaca a implementaçom no formulário on-line de associaçom à AGAL umha opçom para colaborar diretamente com as escolas Semente. Desta maneira, as pessoas sócias da AGAL que se tornarem «amigas» deste projeto educacional, podem determinar quanto dinheiro querem achegar à iniciativa.
Umha outra linha de colaboraçom, de teor bem diferente, constituem-no os direitos de autoria das obra… s que publica a Através Editora, pois nalguns casos os autores ou autoras manifestárom a intençom de renunciar a eles para que sejam reinvestidos em iniciativas sociais como a Semente.
No mês de março deste ano tivo lugar em Compostela o ato de entrega à Semente das quantidades arrecadadas pola AGAL através da quota especial «amigo/a da Semente», bem como polos direitos de autoria dos livros Prédios (Thalámas Salamatu) e O Crânio de Castelão (vários autores); no total, 537 €.
Por sua parte, os autores do livro O Pequeno é Grande, Xoán Carlos Carreira e Emilio Carral, manifestárom o desejo de que os 675 € que gerárom os direitos de autoria desta obra fossem destinados a financiar o recém-criado grupo Seteportas-Altair Compostela, o braço compostelano do movimento sócio-cultural e educativo Altair.
Da esquerda à direita: Fátima Vizoso (tesoureira de Altair Galiza e educadora do Grupo Chão de Castro de Burela), Olalla Liñares (coordenadora do grupo Seteportas), Bruno Faustino (coordenador de Chao de Castro), Xoán Carlos Carreira (co-autor de ‘O Pequeno é Grande’), Miguel (presidente da AGAL) e Elias Torres (presidente da Altair Fundacional)
O post AGAL doou mais de 1.200€ no que vai de ano a iniciativas sociais aparece primeiro no Portal Galego da Língua – PGL.gal.