PGL – Para o vindouro 17 de Maio está convocada mais umha manifestaçom em defesa da nossa língua. Sairá às 12h da Alameda de Santiago de Compostela. A Associaçom Galega da Língua, junto a Associação pró-Academia, manifestará-se atrás de umha faixa com o lema «Multiplica X100 a tua língua».
A palavra de ordem escolhida é umha forma de «potenciar na rua o que em breve deveria debater-se no Parlamento: a iniciativa legislativa popular Valentim Paz-Andrade de aproveitamento dos vínculos com a Lusofonia», explica o presidente da AGAL, Miguel R. Penas.
Da AGAL e a Pró-Academia pedem a participaçom na manifestaçom do ‘Dia das Letras’, quer de maneira individual, quer trás das faixas dos coletivos que assistem. Precisamente, além da proposta conjunta das duas associações, haverá também o chamado Bloco Laranja, integrado por outras organizações reintegracionistas e sob o lema «Crescer na nossa língua para estar no mundo».
Blogue e participaçom
A Pró-Academia e a AGAL criárom o blogue X100, no qual se recolhem testemunhos de pessoas que multiplicam o galego por cem, ademais de disponibilizar recursos gráficos para as pessoas interessadas difundirem a campanha. As pessoas que desejarem enviar umha fotografia e umha reflexom de uns 250 carateres explicando por que se deve mutiplicar o galego por cem, apenas devem endereçar umha mensagem eletrónica para agal[arroba]agal-gz.org. Atualmente há quase setenta participantes na iniciativa e o objetivo é ultrapassar o centenar antes do 17 de Maio.
Vista parcial do blogue X100. Se desejas colaborar, apenas deves enviar a foto
e umha reflexom de aproximadamente 250 carateres ao endereço agal[arroba]agal-gz.org