O passado 26 de maio tivo lugar a primeira assembleia nacional do Movimento Galego ao Socialismo (MGS), organizaçom integrada no BNG. No conclave participou como convidada institucional a Associaçom Galega da Língua (AGAL), representada polo seu secretário, Gerardo Uz, e a vogal Jéssica Beiroa.
Os documentos aprovados [PDF] a partir das experiências da militáncia do MGS em várias localidades do País, valorem-se de modo positivo os projetos de ativismo lingüístico e cultural que tenham «perspetiva autocentrada, que gerem consciência nacional e normalizem a relaçom com a Lusofonia».
Quanto às relaçons internacionais, também se insiste num objetivo fixado em 2010, no Encontro Nacional da organizaçom: o início progressivo de umha política de contactos com organizaçons «revolucionárias e anti-imperialistas de todo o mundo», com especial interesse nas naçons sem estado do Estado espanhol e Europa, bem como com Portugal e a Lusofonia, além da esquerda latino-americana.