Topogal

O Topogal é um programa desenvolvido pola comissom de informática da Agal em 2003, para ser instalado em sistemas Windows. Mostra a toponímia da Galiza com critérios ortográficos e morfológicos reintegracionistas.

Para instalar o Topogal no seu sistema operativo Windows:

1. Para as versões mais recentes do Windows será preciso instalar ficheiros de compatibilidade com o Visual Basic 5.0, que é já antigo.

2. Baixe do nosso servidor o instalador do topogal e arquive-o.

  • Descompacte os arquivos numha pasta qualquer do seu disco rígido.
  • Umha vez descompactado o arquivo, entre na pasta “Topogal” e clique no arquivo “setup.exe”.
  • Siga os passos do instalador.

Umha vez instalado, para o abrir é simplesmente clicar no ficheiro topogal.exe.

(Dica: se por acaso ao abrir resultasse em erros de “permissão”, mova a pasta onde se instalou o topogal para outro lugar do disco rígido: por exemplo para o lugar onde habitualmente trabalha com os seus documentos)

 

Descriçom do programa anexada à distribuiçom original:

O que é o TOPOGAL?
*******************

TOPOGAL é um pograma informático que pretende aproximar o público galego à toponímia do seu País dumha maneira agradável e atraente. A sua interface está desenhada em Visual Basic 5.0 e o seu funcionamento é similar ao de um dicionário electrónico, com várias possibilidades de acesso aos dados, inclusive por meios gráficos, ainda que o TOPOGAL é um programa independente.

Funciona em plataformas Windows e permite executar desde o menu do programa a funçom de ver o Portal Galego da Língua (www.agal-gz.org) àqueles que tenham instalado o Internet Explorer no seu computador. O programa do TOPOGAL corre bem em computadores com pentium II ou superior (ou equiparáveis), e a resoluçom de tela adequada para a sua perfeita visualizaçom é de 1024 x 768 ou superior (está-se a estudar a hipótese de lançamento de uma versom reduzida para equipas menos avançadas).

É um programa de livre distribuiçom, fruto do trabalho da Comissom Informática da AGAL que se pode obter na secçom de descargas do Portal Galego da Língua (www.agal-gz.org).

O programa incorpora nas entradas correspondentes a cada topónimo (comarcas, concelhos, paróquias e aldeias) umha informaçom padrom, consistente em:

a) Nome do topónimo (com versom em mínimos).
b) Informaçom acerca da entidade superior a que pertence o topónimo.
c) Informaçom acerca das entidades inferiores que compreende.
d) Observações

Por exemplo:


Crunha (Cruña)

A comarca da Crunha acha-se situada na zona nor-ocidental da Galiza.
Crunha compreende os seguintes concelhos: Avegondo, Arteijo, Bergondo, Cambre, Carral, Crunha, Colheredo, Oleiros e Sada.

Obs: Emprega-se normalmente precedido do artigo singular femino “a” em contextos preposicionais. P.ex: ‘Os nossos vizinhos mudarom-se para a Crunha’.

Mas, além disso, também se incorporam mais informações relativas a cada topónimo: Som informações de tipo geral relativas ao lugar referido e vam situadas justo a seguir os demais dados da entrada.

Obviamente, nom pretendemos ser exaustivos nessa pretensom, pois o programa conta já com milhares de entradas, mas pensamos que talvez será possível chegar a contar com um bom número de contributos se as pessoas se animam a colaborar.

Se queres ser colaborador do projecto TOPOGAL envia-nos umha breve apresentaçom de tipo geral sobre o lugar em que vives ou de algum lugar que conheças. Nom existem limites fixos quanto à extensom, mas podemos imaginar um limiar situado entre 4 linhas e 25 linhas, aproximadamente. Ao final de cada entrada figurará também o nome da pessoa colaboradora. Podes enviar o teu contributo directamente desde o Portal Galego da Língua, no seu canal Projecto Topogal.

ANIMA-TE A COLABORAR CONNOSCO !!

Comissom de Informática da Associaçom Galega da Língua (AGAL)

info@a.gal

NOTA: A proposta de comarcalizaçom (a oficial do Governo Autónomo Galego) era provisória na altura em que se desenvolveu o Topogal.

Comentários estão fechados.